«Manchester Siti» Angliya chempionatining 25-turi doirasidagi safar o‘yinida «Liverpul»ni 2:1 hisobida mag‘lub etdi. Bu natija «shaharliklar»ga ular uchun noyob bo‘lgan yutuqqa erishish imkonini berdi, deb xabar bermoqda «Sky Sports».
Hozirda Xosep Gvardiola murabbiylik qilayotgan jamoa oxirgi marta bir mavsum davomida «Liverpul»ni ikki bor mag‘lub etishiga qariyb 90 yil avval, 1936-37 yilgi mavsumda erishilgan edi. O‘shanda «Manchester Siti» chempionlikni qo‘lga kiritgan, «Liverpul» esa o‘n sakkizinchi o‘rinda marraga yetib kelgandi.
Ushbu o‘yindan so‘ng «Manchester Siti» 50 ochko bilan turnir jadvalida ikkinchi o‘rinda bormoqda. «Arsenal»da 56 ochko mavjud. «Liverpul» esa 39 ochko bilan oltinchi pog‘onani egallab turibdi.
