«Манчестер Сити» Англия чемпионатининг 25-тури доирасидаги сафар ўйинида «Ливерпуль»ни 2:1 ҳисобида мағлуб этди. Бу натижа «шаҳарликлар»га улар учун ноёб бўлган ютуққа эришиш имконини берди, деб хабар бермоқда «Sky Sports».
Ҳозирда Хосеп Гвардиола мураббийлик қилаётган жамоа охирги марта бир мавсум давомида «Ливерпуль»ни икки бор мағлуб этишига қарийб 90 йил аввал, 1936-37 йилги мавсумда эришилган эди. Ўшанда «Манчестер Сити» чемпионликни қўлга киритган, «Ливерпуль» эса ўн саккизинчи ўринда маррага етиб келганди.
Ушбу ўйиндан сўнг «Манчестер Сити» 50 очко билан турнир жадвалида иккинчи ўринда бормоқда. «Арсенал»да 56 очко мавжуд. «Ливерпуль» эса 39 очко билан олтинчи поғонани эгаллаб турибди.
