Myunxenning "Bavariya" klubi forvardi Nikolas Jekson mavsum yakunlangach, "Chelsi"ga qaytadi. Bu haqda Topskills Sports UK xabar bermoqda.

Manbaga ko‘ra, Jekson o‘z o‘yini bilan "Bavariya"ni hayratda qoldira olmagan, shuning uchun nemis grandi uni ijara muddati tugagach sotib olmoqchi emas. Shu bilan birga, "Bavariya" allaqachon Xarri Keynning o‘rnini vaqti-vaqti bilan to‘ldirib turadigan yangi hujumchi qidirmoqda.

"Bavariya" Jeksonni o‘tgan yilning sentyabrida ijaraga olgan edi. Jamoa tarkibida u 21 ta o‘yinda maydonga tushib, beshta gol urdi va bitta golli uzatmani amalga oshirdi.

Transfermarkt portali mutaxassislari 24 yoshli senegallikning narxini 45 million yevroga baholamoqda.