"Barselona" prezidenti Joan Laporta 15 mart kuni bo‘lib o‘tadigan klub rahbari saylovi haqida fikr bildirdi.

Laporta yangi muddatga nomzodini qo‘yadi, unga Viktor Font, Xaver Vilaxoana va Mark Siriya raqiblik qiladi.

"Biz Deku va Hans-Diter Flik bilan birgalikda sanani tanladik. Shuningdek, La Liga 15 mart kuni "Sevilya"ga qarshi o‘yin o‘tkazish istagimiz borligini ma’lum qilganmiz. Yagona muammo - Chempionlar Ligasi o‘yini, agar u 18 martga belgilangan bo‘lsa, unda biz sport manfaatlariga ustuvor ahamiyat beramiz.

Ishonchim komilki, klub a’zolari buni tushunishadi, chunki ular jamoaning g‘alaba qozonishini xohlashadi. Qanday bo‘lmasin, "Kamp Nou"dan tashqari, saylovda ishtirok etishni rag‘batlantirish uchun boshqa saylov uchastkalari ham bo‘ladi.

Saylov kampaniyasiga katta ishtiyoq va loyihamiz haqida so‘zlab berish istagi bilan yondashaman. Boshlagan ishimizni oxiriga yetkazmoqchimiz", - dedi Laporta.