Bir paytlar ingliz futbolining eng katta umidi hisoblangan (hozirda erkin agent) Dele Alli yana maydon tashqarisidagi mojarolar markazida qoldi.
Futbolchi London kazinolaridan birida o‘tkazilgan bir necha tungi poker sessiyalari davomida qariyb 150 000 funt sterling (taxminan 190 ming dollar) mablag‘ini boy berdi.
Ma’lumotlarga ko‘ra, Alli har bir tun uchun o‘rtacha 25 000 funt sterling yutqazgan. Kazinoning doimiy mijozlari futbolchiga «kit» (whale) deb laqab qo‘yishgan. Pokerda bu juda katta mablag‘ yutqazadigan, lekin o‘yinni davom ettiraveradigan boy o‘yinchiga nisbatan ishlatiladi.
