Sobiq yarim himoyachi Demetrio Albertini 1988 yildan 2002 yilgacha "Milan"da o‘ynagan va klub tarixining shu qismida eng mashhur murabbiylar bilan ishlashga muvaffaq bo‘lgan. Gap Arrigo Sakki, Fabio Kapello va hatto Karlo Anchelotti haqida ketmoqda.
"Sakki yaxshi ma’noda haqiqiy manyak edi. Ko‘pincha u meni chetga tortib, gapga tushardi - gap doim taktika, sxemalar, harakatlar haqida bo‘lardi. U bularning barchasini juda ehtiros bilan aytib berdi va ko‘rsatdi, uning o‘yinga bo‘lgan noyob, g‘ayrioddiy ishtiyoqi borligi ko‘rinib turardi", - deya Albertini so‘zlarini keltiradi pianetamilan.it.
Hozirda "Milan" Italiya chempionati turnir jadvalida 2-o‘rinni egallab turibdi.













