Uch vazn toifasida mag‘lubiyatga uchramagan sobiq mutlaq jahon chempioni amerikalik Terens Krouford ringga qaytishi borasida keskin fikr bildirdi.
"80-100 million dollar evaziga ringga qaytishga tayyormanmi? Yo‘q, chunki bu holda sen o‘z qalbingni sotasan. Ba’zan odamlarga qarab: "Jin ursin, senda na qadr-qimmat, na axloq bor", deb o‘ylab qolasan. Qo‘ysang-chi, erkak. Agar hamma narsa pul topish bilan bog‘liq bo‘lsa, nima uchun kurashasan?
Men hech qachon pul uchun sport bilan shug‘ullanmaganman, tushunyapsizmi? Albatta, pul topish uchun boks bilan shug‘ullanganman, lekin eng avvalo, bolaligimdan orzu qilganim - jahon chempioni bo‘lishni istardim. Pul esa motivasiya bo‘lmadi", - deya Kroufordning so‘zlarini keltiradi MMA Mania portali.













