«Liverpul» bosh murabbiyi Arne Slot mavsumning hal qiluvchi pallasi oldidan o‘z fikrlari bilan o‘rtoqlashdi. Murabbiy YECHL yo‘llanmasi va kutilmagan mag‘lubiyatlar haqida to‘xtalib o‘tdi.
Maqsad — faqat Chempionlar Ligasi
«Bizda hali ham ushbu mavsumda nimadir alohida natija ko‘rsatish imkoniyati bor. Agar keyingi mavsum uchun YECHL yo‘llanmasini qo‘lga kirita olmasak, bu albatta qabul qilib bo‘lmas natija bo‘ladi. Kuchli to‘rtlikka kirish uchun biz mukammallikka yaqin darajani ko‘rsatishimiz kerak».
Faoliyatidagi eng og‘ir davr
«Bu mavsum men uchun murabbiy sifatidagi eng qiyin mavsummi? Ha, shubhasiz! Bundan oldingi barcha mavsumlarimda faqat ijobiy holatlar bo‘lgandi. Menimcha, men hech qachon ketma-ket ikkita o‘yinda mag‘lub bo‘lmaganman. Bu men uchun istisno, men bunga o‘rganmaganman».
Tarkib va kutilmalar haqida
«Shuni yodda tutish kerakki, men kelgan paytimda biz faqat Kyezani sotib oldik. Kutilmalar va ish natijalari kontekstida jamoa oldiga qo‘yilayotgan talablarni juda yaxshi anglab turibman».
