"Tottenxem" bosh murabbiy Tomas Frankni iste’foga chiqarishga qaror qildi. Bu haqda The Athletic nashri vakili, jurnalist Devid Ornshteyn ma’lum qildi.
Shartnomaning bekor qilinishiga "shporlar"ning so‘nggi o‘yinlardagi muvaffaqiyatsiz natijalari sabab bo‘ldi. Londonliklar beshta uchrashuvda faqat bitta g‘alabaga erisha oldi. Ayni paytda "Tottenxem" Angliya premyer-ligasi turnir jadvalida 26 ochko bilan 16-o‘rinda bormoqda.
Frank 2025 yilning iyulida "Tottenxem" ustozi etib tayinlangandi. Bungacha 52 yoshli mutaxassis "Brentford"da ishlagan.













