UFC rahbari Dana Uayt AQSHning 250 yilligini nishonlash doirasida Oq uyda bo‘lib o‘tadigan tarixiy turnirga tayyorgarlik haqida gapirdi.
"O‘ylaymizki, bu UFC tarixidagi eng ko‘p tomosha qilingan musobaqa bo‘ladi. U bizning sportimizni hech qachon ko‘rmagan ko‘plab odamlarga ochib beradi. Men, rahbariyat, xodimlar, OAV va jangchilar uchun bu butun faoliyatimiz davomidagi eng noyob, ajoyib kecha bo‘ladi", - deya Uaytning so‘zlarini keltiradi Yahoo Sports.
Shuningdek, Uayt yana promoushen tarixidagi eng yaxshi kardni yig‘ishga va’da berdi. Uning qo‘shimcha qilishicha, jangchilar Oq uyning Oval xonasi orqali oktagonga chiqishadi.
