«Marsel» italiyalik mutaxassis Roberto De Dzerbi o‘rniga yangi bosh murabbiy izlamoqda. «Foot Mercato» nashri bergan xabarga ko‘ra, asosiy nomzod — 48 yoshli senegallik Xabib Beye. Ushbu mutaxassis yaqinda «Renn» klubidan iste’foga chiqarilgan edi.
Manbalarning ta’kidlashicha, «Marsel» rahbariyati Serjiu Konseysau nomzodini ham ko‘rib chiqmoqda. Portugaliyalik murabbiy ayni damda Saudiya Arabistonining "Al-Ittihod" klubida faoliyat yuritmoqda.
«Marsel» Fransiya Ligi 1 turnir jadvalida to‘rtinchi o‘rinda bormoqda. Jamoa peshqadam «PSJ»dan 12 ochkoga ortda qolmoqda.
