«Марсель» италиялик мутахассис Роберто Де Дзерби ўрнига янги бош мураббий изламоқда. «Foot Mercato» нашри берган хабарга кўра, асосий номзод — 48 ёшли сенегаллик Хабиб Бейе. Ушбу мутахассис яқинда «Ренн» клубидан истеъфога чиқарилган эди.
Манбаларнинг таъкидлашича, «Марсель» раҳбарияти Сержиу Консейсау номзодини ҳам кўриб чиқмоқда. Португалиялик мураббий айни дамда Саудия Арабистонининг "Ал-Иттиҳод" клубида фаолият юритмоқда.
«Марсель» Франция Лиги 1 турнир жадвалида тўртинчи ўринда бормоқда. Жамоа пешқадам «ПСЖ»дан 12 очкога ортда қолмоқда.
