«Arsenal» bosh murabbiyi Mikel Arteta matbuot anjumani chog‘ida APLdagi murabbiylar iste’fosi va o‘zining klubdagi uzoq yillik faoliyati haqidagi savollarga javob berdi.
— APL klublari sabrsiz bo‘lib qolishdimi?
— Bilmadim. Har bir holatni bir xil deb bo‘lmaydi — kontekst muhim. Har bir klubdagi vaziyat turlicha.
— Siz anchadan beri ishlab kelyapsiz…
— Klubdagi har bir davr o‘ziga xos. APLda bizda ikkita afsonaviy murabbiy bo‘lgan — Arsen Venger va ser Aleks Fergyuson, ular juda yaxshi ishlashgan. O‘shandan beri har ikki klubda ham ko‘p narsa o‘zgardi, shuning uchun hammasi ko‘plab omillarga bog‘liq. Birinchisi — futbolchilar sening ortingdan ergashishi, qilayotgan ishingdan zavq olishi va senga ishonishi kerak. Va albatta, g‘alaba qozonish shart, chunki g‘alabalar bo‘lmasa, uzoq vaqt ishlashning iloji yo‘q.
Eslatib o‘tamiz, Mikel Arteta «Arsenal»ni 2019 yil 22 dekabrdan beri boshqarib kelmoqda.
