«Liverpul» bosh murabbiyi Arne Slot Angliya chempionatining 26-turi doirasida «Sanderlend» ustidan qozonilgan g‘alaba (1:0) haqida o‘z fikrlarini bildirib o‘tdi.
«G‘alaba qozonish juda muhim edi. Oldinda bizni qiyin safar o‘yini kutmoqda. Bugun biz to‘p bilan qanchalik yaxshi o‘ynay olishimizni va ko‘plab vaziyatlar yaratishga qodirligimizni yana bir bor ko‘rsatdik. O‘yin davomida namoyish etgan xarakterimiz juda yaxshi bo‘ldi, aynan shuning uchun ham biz ushbu stadionni 1:0 hisobidagi g‘alaba bilan tark etmoqdamiz», — deya Slotning so‘zlarini keltirmoqda BBC.
«Liverpul» ushbu g‘alabadan so‘ng 42 ochko jamg‘arib, APL turnir jadvalida 6-o‘rinda bormoqda. «Sanderlend» esa 36 ochko bilan 11-pog‘onani egallab turibdi.
