«Ливерпул» бош мураббийи Арне Слот Англия чемпионатининг 26-тури доирасида «Сандерленд» устидан қозонилган ғалаба (1:0) ҳақида ўз фикрларини билдириб ўтди.
«Ғалаба қозониш жуда муҳим эди. Олдинда бизни қийин сафар ўйини кутмоқда. Бугун биз тўп билан қанчалик яхши ўйнай олишимизни ва кўплаб вазиятлар яратишга қодирлигимизни яна бир бор кўрсатдик. Ўйин давомида намойиш этган характеримиз жуда яхши бўлди, айнан шунинг учун ҳам биз ушбу стадионни 1:0 ҳисобидаги ғалаба билан тарк этмоқдамиз», — дея Слотнинг сўзларини келтирмоқда BBC.
«Ливерпул» ушбу ғалабадан сўнг 42 очко жамғариб, АПЛ турнир жадвалида 6-ўринда бормоқда. «Сандерленд» эса 36 очко билан 11-поғонани эгаллаб турибди.
