«Dinamo» jamoasi BAAdagi 2-yig‘ini doirasidagi ikkinchi o‘rtoqlik o‘yinini Yerevanning «Pyunik» jamoasiga qarshi o‘tkazdi.

Ajmanda o‘tgan bahsning birinchi bo‘limida hisob ochilmagan bo‘lsa, ikkinchi bo‘limda Vadim Abramov tarkibda bir qator o‘zgarishlarga qo‘l urgach, vakillarimiz to‘liq ustunlik bilan g‘alabaga erishishdi.

Anvarjon Hojimirzayevning uzatmasidan keyin dastlab Firdavs Abdurahmonov hisobni ochgan bo‘lsa, ko‘p o‘tmay Anvarjonning o‘zi ajoyib zarbasi bilan farqni ikkitaga yetkazdi. Ko‘p o‘tmay, yana Anvarjonning ikkinchi uzatmasidan keyin Xislat Xalilov chiroyli golga mualliflik qilib, hisobni yiriklashtirdi – 3:0.

Shu tariqa, «Dinamo» Armanistonning 13 karra chempioni «Pyunik»ni yirik hisobda mag‘lub etdi.

Xalqaro o‘rtoqlik o‘yini. Ajman, BAA
11 fevral (chorshanba)
Pyunik (Erevan) – Dinamo (Samarqand) – 0:3
Gollar: Firdavs Abdurahmonov 52, Anvarjon Hojimirzayev 65, Xislat Xalilov 74
«Dinamo»: Ravshanbek Yagudin, Ulug‘bek Abdullayev, Mahammadu Dembele, Jahongir O‘rozov, Mauro Brazil, Til Mavretich, Akbar Xudoyberdiyev, Nurillo To‘xtasinov, Rasul Yo‘ldoshev, Bektemir Abdumannonov, Mirjahon Mirahmadov.
Zaxiradan maydonga tushganlar: Sanjar Qodirqulov, Jaloliddin Jumaboyev, Dramane Salou, Jahongir Abdusalomov, Firdavs Abdurahmonov, Xislat Xalilov, Azizbek Amonov, Anvarjon Hojimirzayev, Ulug‘bek Hoshimov.