«Bavariya» Germaniya Kubogining chorak finalida «RB Leypsig» ustidan 2:0 hisobida g‘alaba qozondi. Myunxenliklarga yarim final yo‘llanmasini 64 va 67-daqiqalarda Xarri Keyn (penaltidan) hamda Luis Dias tomonidan kiritilgan gollar taqdim etdi.

«Har qanday turnirda oxirigacha borib, kubokni qo‘lga kiritish mumkinligini his qilish muhim. Bunday orzu doimo mavjud bo‘ladi. O‘zimga kelsak, men bu masalaga pragmatik yondashaman. Bugun biz yaxshi o‘yin ko‘rsatdik va bu g‘alaba qozonishimizga yordam berdi — endi Germaniya Kubogida muvaffaqiyatga erishish uchun imkoniyatlarimiz yanada oshdi. Men uchun eng muhimi shu. Ertadan boshlab barcha fikru xayolimiz «Verder» bilan o‘yinda bo‘ladi», — deya «Bayern & Germany» nashri Kompanining so‘zlarini keltirmoqda.

«Bavariya»ning «Verder»ga qarshi safardagi uchrashuvi Bundesliganing 22-turi doirasida shanba kuni, 14 fevral sanasida bo‘lib o‘tadi.