«Бавария» Германия Кубогининг чорак финалида «РБ Лейпциг» устидан 2:0 ҳисобида ғалаба қозонди. Мюнхенликларга ярим финал йўлланмасини 64 ва 67-дақиқаларда Харри Кейн (пенальтидан) ҳамда Луис Диас томонидан киритилган голлар тақдим этди.
«Ҳар қандай турнирда охиригача бориб, кубокни қўлга киритиш мумкинлигини ҳис қилиш муҳим. Бундай орзу доимо мавжуд бўлади. Ўзимга келсак, мен бу масалага прагматик ёндашаман. Бугун биз яхши ўйин кўрсатдик ва бу ғалаба қозонишимизга ёрдам берди — энди Германия Кубогида муваффақиятга эришиш учун имкониятларимиз янада ошди. Мен учун энг муҳими шу. Эртадан бошлаб барча фикру хаёлимиз «Вердер» билан ўйинда бўлади», — дея «Bayern & Germany» нашри Компанининг сўзларини келтирмоқда.
«Бавария»нинг «Вердер»га қарши сафардаги учрашуви Бундеслиганинг 22-тури доирасида шанба куни, 14 февраль санасида бўлиб ўтади.
