Madridning «Atletiko» klubi bosh murabbiyi Diyego Simeone faoliyatini Angliyada davom ettirishi mumkin.
«Indykaila News» nashri bergan ma’lumotlarga ko‘ra, Tomas Frankni iste’foga chiqargan «Tottenxem» argentinalik mutaxassisni taklif qilishga qiziqish bildirmoqda. «Shporlar» vakillari Simeonening agentlari bilan bog‘lanishgan, biroq quyidagicha javob olishgan: «Biz mijozimiz uchun ochiq bo‘lgan barcha variantlarni ko‘rib chiqmoqdamiz». Tomonlar o‘rtasidagi ushbu suhbat 11 fevral kuni bo‘lib o‘tgan.
Avvalroq OAVda Diyego Simeonening «Atletiko» rahbariyati bilan munosabatlari yomonlashgani, shu sababli uning amaldagi shartnomasi 2027 yilning 30 iyunigacha mo‘ljallanganiga qaramay, shu yozda Madrid klubini tark etishi mumkinligi haqida mish-mishlar tarqalgan edi.
