Мадриднинг «Атлетико» клуби бош мураббийи Диего Симеоне фаолиятини Англияда давом эттириши мумкин.
«Indykaila News» нашри берган маълумотларга кўра, Томас Франкни истеъфога чиқарган «Тоттенхэм» аргентиналик мутахассисни таклиф қилишга қизиқиш билдирмоқда. «Шпорлар» вакиллари Симеоненинг агентлари билан боғланишган, бироқ қуйидагича жавоб олишган: «Биз мижозимиз учун очиқ бўлган барча вариантларни кўриб чиқмоқдамиз». Томонлар ўртасидаги ушбу суҳбат 11 февраль куни бўлиб ўтган.
Аввалроқ ОАВда Диего Симеоненинг «Атлетико» раҳбарияти билан муносабатлари ёмонлашгани, шу сабабли унинг амалдаги шартномаси 2027 йилнинг 30 июнигача мўлжалланганига қарамай, шу ёзда Мадрид клубини тарк этиши мумкинлиги ҳақида миш-мишлар тарқалган эди.
