«Liverpul»ning sobiq sardori Stiven Jerrard jamoaning hozirgi yulduzi Florian Virs haqida o‘z fikrlarini bildirib o‘tdi.

Germaniyalik yarim himoyachi «Bayer»dan o‘tganidan keyin Angliyadagi dastlabki oylarini unchalik ishonchli o‘tkazmadi, biroq so‘nggi vaqtlarda tobora mazmunli o‘yin namoyish etmoqda.

«Futbolchilarning o‘yinini kuzata turib, men doim o‘zimga bir savolni beraman: ular bilan birga o‘ynashni qanchalik xohlagan bo‘lardim? Agar Virs haqida gapiradigan bo‘lsak, men u bilan bir jamoada jon deb o‘ynagan bo‘lardim», – dedi Jerrard «qizillar»ning «Sanderlend»ga qarshi bahsidan so‘ng.

Florian Virsning transferi «Liverpul»ga 125 mln yevroga tushgan edi. APLning joriy mavsumida hujumkor yarim himoyachi to‘rtta gol va ikkita golli uzatmani amalga oshirdi.