«Bavariya» himoyachisi Jonatan Ta Germaniya Kubogi 1/4 finalida «RB Leypsig» ustidan qozonilgan g‘alabadan (2:0) so‘ng o‘z fikrlari bilan o‘rtoqlashdi.

«Berlinga yo‘l olish o‘ziga xos voqea bo‘lardi. U yerda bo‘lmaganimizga ancha vaqt bo‘ldi va albatta, bu bizning asosiy maqsadimiz. Biz Kubokni yutmoqchimiz. Bugun buni qanchalik xohlayotganimizni ko‘rsatib berdik», — deya Taning so‘zlarini keltirmoqda «Bayern & Germany».

Ma’lumot uchun, «Bavariya»dan tashqari «Bayer», «Shtutgart» va «Frayburg» jamoalari ham yarim final yo‘llanmasini qo‘lga kiritishdi. Musobaqaning yarim final bosqichiga qur’a tashlash marosimi 15 fevral kuni bo‘lib o‘tishi rejalashtirilgan.

Eslatib o‘tamiz, «Bavariya» so‘nggi bor 2020 yilda mamlakat Kubogida zafar quchgan edi. Joriy yilgi final esa an’anaga ko‘ra 23 may kuni Berlindagi «Olimpiashtadion»da bo‘lib o‘tadi.