Kataloniyaning "Barselona" klubi sobiq futbolchisi, hozirda "ko‘k-anorranglilar" sport direktori Deku jamoaning 18 yoshli yulduz vingeri Lamin Yamal haqida gapirdi.
"Yamal juda aqlli futbolchi, u allaqachon jiddiy tajribaga ega. Bu yigit tez o‘rganadi. 18 yoshli futbolchi o‘z klubi, mashg‘ulot jarayoniga 100 foiz berilib, unga nima deyishsa, shuni bajarishi juda yaxshi", - deya funksionerning so‘zlarini keltiradi Diario Sport.
Yamal joriy mavsum Ispaniya chempionatida 19 ta uchrashuv o‘tkazdi. Lamin o‘nta gol va sakkizta golli uzatma muallifi bo‘ldi. Hujumkor yarim himoyachining bozor narxi 200 million yevroga baholanmoqda.
