Markus Reshford «Barselona» safida ijara asosida to‘p surmoqda. Yozda kataloniyaliklar ingliz futbolchisini «Manchester Yunayted»dan 30 million yevro evaziga sotib olish huquqiga ega bo‘lishadi.
Ispaniyaning «Sport» nashri yozishicha, «ko‘k-anorranglilar» ushbu summani tushirishga harakat qilishmoqda, biroq buning iloji yo‘qligini ham tushunib turishibdi. «Manchester Yunayted» 28 yoshli futbolchining narxi bo‘yicha yon berish niyatida emas. Klub rahbariyati Reshford uchun 30 million yevroni oqilona va hatto past narx deb hisoblamoqda. «Qizil iblislar»ning bunday qat’iy pozisiyasiga hujumchiga Angliyaning o‘zida ham talab juda yuqoriligi sabab bo‘lmoqda.
Markus Reshford «Barselona» libosida 34 ta rasmiy o‘yinda maydonga tushib, 10 ta gol urdi va 13 ta golli uzatmani amalga oshirdi.
