Маркус Рэшфорд «Барселона» сафида ижара асосида тўп сурмоқда. Ёзда каталонияликлар инглиз футболчисини «Манчестер Юнайтед»дан 30 миллион евро эвазига сотиб олиш ҳуқуқига эга бўлишади.

Испаниянинг «Sport» нашри ёзишича, «кўк-анорранглилар» ушбу суммани туширишга ҳаракат қилишмоқда, бироқ бунинг иложи йўқлигини ҳам тушуниб туришибди. «Манчестер Юнайтед» 28 ёшли футболчининг нархи бўйича ён бериш ниятида эмас. Клуб раҳбарияти Рэшфорд учун 30 миллион еврони оқилона ва ҳатто паст нарх деб ҳисобламоқда. «Қизил иблислар»нинг бундай қатъий позициясига ҳужумчига Англиянинг ўзида ҳам талаб жуда юқорилиги сабаб бўлмоқда.

Маркус Рэшфорд «Барселона» либосида 34 та расмий ўйинда майдонга тушиб, 10 та гол урди ва 13 та голли узатмани амалга оширди.