"Manchester Siti" yarimhimoyachisi Rodrini vaqti-vaqti bilan mish-mishlar "Real" bilan bog‘lamoqda. Futbolchining vaziyatiga uning otasi Antonio Ernandes izoh berdi.
"Men hech narsa deya olmayman. U turgan joyida juda baxtli. Men hech narsani bilmayman - hali tarixni yozish kerak. Ehtimol, Rodrining o‘zi ham hali qayerda o‘ynashini bilmas. Muzokaralar ketyapti. Ammo men hech narsani bilmayman..." - deb Antonio so‘zlarini keltirmoqda The Touchline.
Rodrining "Manchester Siti" bilan amaldagi shartnomasi 2027 yilning yarmigacha mo‘ljallangan. "Shaharliklar" safida xavbek 285 ta o‘yinda maydonga tushib, 27 ta gol urgan va sheriklariga 32 ta golli uzatma bergan. 2024 yilda Rodri "Oltin to‘p"ni qo‘lga kiritdi.
