«Vilyarreal» markaziy yarim himoyachisi Tomas Partiga navbatdagi ayblovlar qo‘yildi. «Daily Mail» nashrining xabariga ko‘ra, Gana terma jamoasi a’zosi yana ikkita jinsiy zo‘ravonlik ishida ayblanmoqda.

Ma’lumki, Parti ilgari ham sud oldida javob bergan — unga ikki nafar ayolga nisbatan to‘rtta zo‘rlash epizodi bo‘yicha ayblov qo‘yilgan edi. Yarim himoyachining o‘zi barcha ayblovlarni inkor etib kelmoqda.

Shu yilning 13 mart kuni yarim himoyachining ishi bo‘yicha yangi ochilgan holatlar yuzasidan ilk sud majlisi bo‘lib o‘tadi.

Futbolchi shu yozda Ispaniyaga ko‘chib o‘tgan edi. Joriy mavsumda Parti «sariq suvosti kemasi» safida 21 ta o‘yinda ishtirok etdi, biroq samarali harakatlarni amalga oshira olmadi.