Fransiya terma jamoasi ustozi Didye Desham darvozabon Lyuka Shevalyening Parijning «PSJ» klubidagi hozirgi holati haqida gapirdi. Posbon asosiy tarkibdagi o‘rnini yo‘qotdi, hozirda rossiyalik Matvey Safonov jamoaning birinchi raqamli darvozaboniga aylangan.
"Kuzda Lyuka terma jamoa tarkibidan Menyanni siqib chiqarishi mumkinligi haqida gapirishgandi, ammo futbolda hamma narsa tez o‘zgaradi. O‘yin amaliyoti juda muhim. Hozirda Shevalye eng yaxshi holatda emas. Klubda barcha qarorlarni bosh murabbiy qabul qiladi. Hamma narsa hali o‘zgarishi mumkin", — deya mutaxassisning so‘zlarini keltiradi «Lequipe».
Fransiya chempionatining joriy mavsumida 24 yoshli Shevalye 17 ta uchrashuv o‘tkazib, o‘z darvozasidan 13 ta to‘p o‘tkazib yubordi.
