Dortmundning «Borussiya» klubi va Germaniya terma jamoasi himoyachisi Niko Shlotterbek Madridning «Real» klubiga o‘tishi mumkinligiga shama qildi. U ijtimoiy tarmoqlarda o‘zining Madrid klubiga ehtimoliy transferi haqidagi xabar ostiga «layk» qo‘ydi.
Avvalroq OAV Nikoni «Bavariya» va «Barselona» klublari bilan ham bog‘lagan edi. Biroq futbolchining o‘zi Madridga ko‘chib o‘tish istagida ekanligi aytilmoqda.
Niko Shlotterbekning «Borussiya» bilan amaldagi shartnomasi 2027 yilning yoziga qadar mo‘ljallangan. Joriy mavsumda germaniyalik futbolchi dortmundliklar safida barcha musobaqalarda 26 ta o‘yin o‘tkazdi. Uning hisobida uchta gol va ikkita golli uzatma bor.
