"Atletik" hujumchisi Niko Uilyams klub bilan muvaffaqiyatga erishishdan umidini uzdi. Bu haqda The Touchline xabar bermoqda.

Manbaga ko‘ra, yakuniy nuqta FIFAning 2028 yilgacha bo‘lgan transfer taqiqi bo‘lgan. Uilyamsning atrofidagilarning ta’kidlashicha, futbolchi o‘zini tuzoqqa tushib qolgandek his qilmoqda va shartnomani uzaytirish qaroridan afsusda, deya qayd etadi manba.

Eslatib o‘tamiz, avvalroq Niko Uilyams ikki marta "Barselona"ga o‘tishdan bosh tortgan, shundan so‘ng "Atletik" bilan yaxshilangan shartlar asosida qayta shartnoma imzolagan edi.

Joriy mavsumda 23 yoshli vinger barcha turnirlarda 26 ta o‘yinda maydonga tushib, 4 ta gol urdi va 6 ta golli uzatmani amalga oshirdi.