Dayo Upamekanoning kelajagi haqidagi mish-mishlarga chek qo‘yildi — «Bavariya» himoyachi bilan shartnoma uzaytirilganini e’lon qildi. 27 yoshli futbolchi yangi mehnat shartnomasiga imzo chekkanidan so‘ng o‘z fikrlarini bildirib o‘tdi.

«Bavariya»da qolayotganimdan va ushbu jamoada o‘ynashda davom etayotganimdan juda xursandman. Bizda ajoyib tarkib va ajoyib murabbiy bor — birgalikda oldimizga katta maqsadlarni qo‘yganmiz. Hayotda hamma narsani mentalitet hal qiladi — men har bir mashg‘ulotda jamoadoshlarim uchun bor kuchimni beraman, har bir o‘yinda darvozamiz daxlsizligini saqlab qolishni va «Bavariya» bilan iloji boricha ko‘proq sovrinlar yutishni xohlayman», — deya Upamekanoning so‘zlarini keltirmoqda Myunxen klubi rasmiy sayti.

Dayo Upamekanoning yangi shartnomasi endi 2030 yilning yoziga qadar amal qiladi.

Shanba kuni «Bavariya» safarda «Verder» mehmoni bo‘ladi.