«Manchester Siti» bosh murabbiyi Xosep Gvardiola yarim himoyachi Bernardu Silvaning kelajagi haqida ma’lumotga ega emasligini aytdi.

«Yo‘q. Menda hech qanday tasavvur yo‘q. Rosti. Men unga: «Qachon bir qarorga kelsang, menga xabar ber», dedim. Lekin hozircha hech narsa bilmayman», — dedi Gvardiola juma kungi matbuot anjumanida.

Amaldagi shartnomaga ko‘ra, Bernardu Silvaning «Manchester Siti» bilan kelishuvi joriy mavsum yakunigacha, ya’ni 2026 yilning yoziga qadar mo‘ljallangan. Portugaliyalik futbolchi 2017 yilning yozida «Monako»dan transfer qilinganidan beri «shaharliklar» safida to‘p surib kelmoqda. Bernardu «Siti» libosida 442 ta o‘yinda maydonga tushib, 74 ta gol va 78 ta golli uzatmani o‘z hisobiga yozdirib qo‘ygan.