Juma kuni «Bavariya» o‘z muxlislarini himoyachi Dayo Upamekano bilan shartnoma uzaytirilgani haqidagi xushxabar bilan quvontirdi. Myunxen klubi bosh direktori Yan-Kristian Drizen ushbu mavzu bo‘yicha o‘z fikrlarini bildirdi.
"Upamekano bizning safimizda top-darajadagi o‘yinchiga aylandi. U o‘z yo‘lini «Bavariya»da davom ettirishidan juda xursandmiz. Bu xalqaro futboldagi maqomimizni yana bir bor tasdiqlaydi. Futbolchining klubga sodiqligi — bizning sport yo‘nalishimiz hamda jamoa va klub ichidagi ajoyib muhit uchun kuchli signaldir", — deyiladi Drizenning «Bavariya» saytida keltirilgan so‘zlarida.
«Bavariya» navbatdagi uchrashuvini 14 fevral kuni safarda «Verder»ga qarshi o‘tkazadi.
