Жума куни «Бавария» ўз мухлисларини ҳимоячи Дайо Упамекано билан шартнома узайтирилгани ҳақидаги хушхабар билан қувонтирди. Мюнхен клуби бош директори Ян-Кристиан Дризен ушбу мавзу бўйича ўз фикрларини билдирди.
"Упамекано бизнинг сафимизда топ-даражадаги ўйинчига айланди. У ўз йўлини «Бавария»да давом эттиришидан жуда хурсандмиз. Бу халқаро футболдаги мақомимизни яна бир бор тасдиқлайди. Футболчининг клубга содиқлиги — бизнинг спорт йўналишимиз ҳамда жамоа ва клуб ичидаги ажойиб муҳит учун кучли сигналдир", — дейилади Дризеннинг «Бавария» сайтида келтирилган сўзларида.
«Бавария» навбатдаги учрашувини 14 февраль куни сафарда «Вердер»га қарши ўтказади.
