Italiyaning "Milan" klubi A Seriyaning navbatdagi 25-turidan o‘rin olgan ilk o‘yinda "Piza" mehmoni bo‘lib, qiyinchilik bilan g‘alabani qo‘lga kiritdi. O‘yindan so‘ng angliyalik yarim himoyachi Ruben Loftus-CHik bo‘lib o‘tgan uchrashuv voqealariga munosabat bildirdi.
"Bo‘sh joy juda kam edi, "Piza" zich himoyalandi va bizga imkoniyat qoldirmadi. Hozir g‘alaba qozonish tobora qiyinlashib bormoqda. Va biz bunga tayyor bo‘lishimiz kerak", — deya Loftus-CHikning so‘zlaridan iqtibos keltiradi pianetamilan.it.
"Milan" peshqadam "Inter"dan besh ochko ortda qolgan holda ta’qibni davom ettirmoqda. Keyingi o‘yinda "Milan" "Komo"ga qarshi maydonga tushishi kerak — bu bahsni jamoa qizil kartochka olgan Adriyen Rabyosiz o‘tkazadi.
