Италиянинг "Милан" клуби А Сериянинг навбатдаги 25-туридан ўрин олган илк ўйинда "Пиза" меҳмони бўлиб, қийинчилик билан ғалабани қўлга киритди. Ўйиндан сўнг англиялик ярим ҳимоячи Рубен Лофтус-Чик бўлиб ўтган учрашув воқеаларига муносабат билдирди.
"Бўш жой жуда кам эди, "Пиза" зич ҳимояланди ва бизга имконият қолдирмади. Ҳозир ғалаба қозониш тобора қийинлашиб бормоқда. Ва биз бунга тайёр бўлишимиз керак", — дея Лофтус-Чикнинг сўзларидан иқтибос келтиради pianetamilan.it.
"Милан" пешқадам "Интер"дан беш очко ортда қолган ҳолда таъқибни давом эттирмоқда. Кейинги ўйинда "Милан" "Комо"га қарши майдонга тушиши керак — бу баҳсни жамоа қизил карточка олган Адриен Рабьосиз ўтказади.
