"Milan" yarim himoyachisi Luka Modrich A Seriyaning juma kungi bahsida "Piza" (2:1) ustidan qozonilgan g‘alabadan so‘ng jurnalistlar bilan suhbatlashdi.

40 yoshli xorvatiyalik futbolchi uchrashuvning 85-daqiqasida "rossonerilar"ga g‘alaba keltirgan gol muallifiga aylandi.

"Biz xato qilishga yo‘l qo‘ya olmasdik. Bu ochkolar chempionlik uchun kurashda hal qiluvchi ahamiyatga ega ekanini hamma juda yaxshi tushunib turardi va biz o‘z maqsadimizga erishdik. Ikkinchi bo‘limda biroz sur’atni tushirib yubordik va "Piza"ga hisobni tenglashtirishga imkon berdik, ammo keyin yana oldinga o‘tib, ikkinchi golni urdik. G‘alabadan juda xursandmiz. O‘yindan o‘yinga o‘z maqsadimiz sari borishimiz kerak", — dedi Modrich "DAZN" nashriga bergan intervyusida.

"Milan" 53 ochko jamg‘argan holda turnir jadvalida "Inter"dan (58) keyin ikkinchi o‘rinni egallab turibdi.