"Manchester Siti" bosh murabbiyi Xosep Gvardiola jarohat olgan Mateo Kovachich haqida fikr bildirdi.

Xorvatiyalik yarim himoyachi jarohati sababli o‘tgan yilning oktyabr oyidan beri maydonga tushmayapti.

"Kova allaqachon maydondagi mashg‘ulotlarni boshladi. U bizga juda yetishmayapti, chunki u alohida mahoratga ega. O‘tgan kuni u bilan gaplashdim va u o‘zini juda yaxshi his qilmoqda — birinchi operasiyadan keyingiga qaraganda ancha yaxshi. U mavsumning yakuniy qismida bizga yordam bera olishidan umidvorman. Unda o‘ziga xos fazilatlar va o‘zgacha mentalitet bor. Eng muhimi — uning sog‘lig‘i. Biz u to‘liq tiklanishini va yana futbol o‘ynashini xohlaymiz", — dedi Gvardiola matbuot anjumanida.

Bugun "shaharliklar" Angliya Kubogi bahsida o‘z maydonlarida "Solford Siti"ni qabul qilishadi.