"Манчестер Сити" бош мураббийи Хосеп Гвардиола жароҳат олган Матео Ковачич ҳақида фикр билдирди.

Хорватиялик ярим ҳимоячи жароҳати сабабли ўтган йилнинг октябрь ойидан бери майдонга тушмаяпти.

"Кова аллақачон майдондаги машғулотларни бошлади. У бизга жуда етишмаяпти, чунки у алоҳида маҳоратга эга. Ўтган куни у билан гаплашдим ва у ўзини жуда яхши ҳис қилмоқда — биринчи операциядан кейингига қараганда анча яхши. У мавсумнинг якуний қисмида бизга ёрдам бера олишидан умидворман. Унда ўзига хос фазилатлар ва ўзгача менталитет бор. Энг муҳими — унинг соғлиғи. Биз у тўлиқ тикланишини ва яна футбол ўйнашини хоҳлаймиз", — деди Гвардиола матбуот анжуманида.

Бугун "шаҳарликлар" Англия Кубоги баҳсида ўз майдонларида "Солфорд Сити"ни қабул қилишади.