Londonning "Tottenxem" klubi rahbariyati Maurisio Pochettinoni bosh murabbiy lavozimiga qaytarish g‘oyasidan voz kechgani yo‘q. Bu haqda "Telegraph" nashri xabar bermoqda.
Avvalroq, Igor Tudor "shporlar" bilan joriy mavsum yakuniga qadar shartnoma imzolagani haqida ma’lumotlar paydo bo‘lgan edi.
Manbaning xabariga ko‘ra, Tudorning tayinlanganiga qaramay, "Tottenxem" yozda AQSH terma jamoasining amaldagi bosh murabbiyi Maurisio Pochettinoning klubga qaytish imkoniyatini ochiq qoldirgan. Tudorning "Tottenxem" bilan shartnomasi 2026 yilning iyunigacha amal qiladi, Pochettinoning AQSH terma jamoasi bilan kelishuvi esa jahon chempionatidan so‘ng yakuniga etadi.
Shuni ta’kidlash kerakki, hozircha "Tottenxem" Tudorning tayinlanganini rasman e’lon qilmadi, biroq poytaxt klubi avvalroq qoniqarsiz natijalar tufayli Tomas Frank iste’foga chiqarilganini ma’lum qilgan edi.
26 turdan so‘ng "Tottenxem" 29 ochko jamg‘argan holda Premyer-liga turnir jadvalida 16-o‘rinni egallab turibdi.
