«Chelsi» himoyachisi Mark Kukurelya Premyer-liganing «Lids»ga qarshi kechgan so‘nggi o‘yinida jarohat oldi. Ispaniyalik futbolchi noqulaylik sezgani sababli tanaffusda zaxiraga olingan edi.
«AS» nashri jurnalistlariga ma’lum bo‘lishicha, Kukurelyaning tiklanishi uchun taxminan uch-to‘rt hafta vaqt kerak bo‘ladi. Bu shuni anglatadiki, himoyachi mart oyining o‘rtalariga kelib sog‘ayishi va Ispaniya terma jamoasi safida Argentinaga qarshi Finalissima bahsida ishtirok etishi mumkin. Ushbu sovrin uchun bahs 27 mart kuni bo‘lib o‘tadi.
2025/2026 yilgi mavsumda Mark Kukurelya «Chelsi» libosida 35 ta o‘yin o‘tkazdi. Ularda himoyachi o‘z hisobiga bitta gol va uchta samarali uzatmani yozdirib qo‘ydi.
