«Bavariya» muayyan vaqtga Manuel Noyerni yo‘qotdi. Myunxen klubi o‘z saytida jamoa sardorining jarohati haqida e’lon joylashtirdi.

Bundesliga doirasidagi «Verder»ga qarshi o‘yinda Noyer chap oyoq boldir mushagi tolalarining uzilishi jarohatini oldi.

«Bavariya» Manuel Noyerning tiklanish muddatlarini ochiqlamadi. 39 yoshli darvozabon haqidagi xabarlarni Nemis matbuoti orqali kuzatib boramiz. Avvalroq matbuotda Noyer 21 fevral kuni «Ayntraxt»ga qarshi o‘yinda ishtirok eta olmasligi mumkinligi haqida yozilgan edi.

Eslatib o‘tamiz, «Bavariya» «Verder»ni 3:0 hisobida mag‘lub etdi. Myunxenliklar Bundesligada ishonch bilan peshqadamlik qilmoqdalar — ikkinchi o‘rindagi Dortmundning «Borussiya» jamoasida olti ochko kam.