Londonning «Tottenxem» klubi sobiq bosh murabbiyi Tomas Frank shu yozda ishga qaytishi mumkin.

TEAMtalk nashri bergan ma’lumotlarga ko‘ra, 52 yoshli daniyalik mutaxassis xizmatlariga Angliya Premyer-ligasining bir yo‘la uchta klubi qiziqish bildirmoqda. Joriy mavsum yakunida murabbiylar almashinuvi kutilayotgan «Kristal Pelas», «Fulxem» va «Bornmut» klublari Frank nomzodini ko‘rib chiqmoqda.

Frankning oxirgi ish joyi «Tottenxem» bo‘lib, u jamoani 2025 yil yozidan shu yilning fevral oyigacha boshqargan. Avvalroq mutaxassis «Brentford», «Brondbyu» va Daniya o‘smirlar terma jamoalarida ham faoliyat yuritgan.

26-turdan so‘ng «Tottenxem» 29 ochko bilan Angliya chempionati turnir jadvalida 16-o‘rinni egallab turibdi.