Лондоннинг «Тоттенхэм» клуби собиқ бош мураббийи Томас Франк шу ёзда ишга қайтиши мумкин.
TEAMtalk нашри берган маълумотларга кўра, 52 ёшли даниялик мутахассис хизматларига Англия Премьер-лигасининг бир йўла учта клуби қизиқиш билдирмоқда. Жорий мавсум якунида мураббийлар алмашинуви кутилаётган «Кристал Пэлас», «Фулхэм» ва «Борнмут» клублари Франк номзодини кўриб чиқмоқда.
Франкнинг охирги иш жойи «Тоттенхэм» бўлиб, у жамоани 2025 йил ёзидан шу йилнинг февраль ойигача бошқарган. Аввалроқ мутахассис «Брентфорд», «Брондбю» ва Дания ўсмирлар терма жамоаларида ҳам фаолият юритган.
26-турдан сўнг «Тоттенхэм» 29 очко билан Англия чемпионати турнир жадвалида 16-ўринни эгаллаб турибди.
