Mashhur sobiq ingliz futbolchisi Ueyn Runi nafaqat bosh murabbiy, balki yordamchi murabbiy sifatida ham ishlashga tayyor bo‘lgan klublarini aytdi. U «Manchester Yunayted» va «Everton» klublarini alohida ajratib ko‘rsatdi. Ueyn faoliyati davomida har ikkala jamoada to‘p surgan.

Hozirda Runi o‘z faoliyatini bosh murabbiy sifatida qurishni istaydi. Biroq, «MYU» yoki «Everton»ga hatto assistent lavozimida bo‘lsa ham qaytishga tayyor. Sobiq futbolchining ta’kidlashicha, bu klublar uning qalbiga yaqindir.

«Bosh murabbiylik faoliyatimga qaytishni istardim. Yordamchi bo‘lib ishlashga tayyormanmi? Bir necha hafta oldin mendan «Yunayted»ga boshqa rolda qaytgan bo‘larmiding, deb so‘rashgandi. Albatta, qaytgan bo‘lardim. Ehtimol, hatto assistent sifatida ham qaytadigan yagona ikki klubim — bu «Everton» va «Yunayted». Chunki bu ikki jamoa qalbimga juda yaqin», — dedi Runi.