«Barselona» bosh murabbiyi Xansi Flik jamoa tarkibidagi muhim o‘zgarishlar va jarohatidan tiklanayotgan futbolchilar haqida ma’lumot berdi. Nemis mutaxassisi tez orada asosiy futbolchilarning qaytishi o‘yin sifatiga ijobiy ta’sir qilishini ta’kidladi.
Murabbiyning so‘zlariga ko‘ra, kelgusi haftadan boshlab Pedri va Markus Reshford jamoa ixtiyoriga qaytadi. Bu esa hujum va yarim himoya chizig‘idagi raqobatni yanada kuchaytirishi kutilmoqda.
Shuningdek, Flik uzoq vaqtdan beri maydonga tusha olmayotgan Gavining holatiga ham to‘xtalib o‘tdi:
«Gavi ham jamoa bilan mashg‘ulotlarda qatnashadi. Ishonchim komil, bu futbolchilarning qaytishi bilan o‘yinimiz yanada yaxshilanadi», — dedi Flik.
