Nikolas Jekson «Bavariya»da qolmaydigan bo‘ldi. Myunxen grandi 2025/2026 yilgi mavsum yakunida senegallik hujumchini «Chelsi»dan sotib olmasligi kutilmoqda. Bu haqda Transfer News Live nashri The Times gazetasiga tayanib xabar bermoqda.
Jekson «Bavariya»da yetarlicha o‘yin amaliyotiga ega bo‘lmayapti, shu sababli uning shartnomasidagi majburiy sotib olish bandi faollashtirilishi dargumon.
Nikolas Jekson «Bavariya» libosida jami 22 ta rasmiy o‘yinda maydonga tushib, o‘z hisobiga 5 ta gol va bitta golli uzatmani yozdirib qo‘ydi. Ma’lumot uchun, nufuzli Transfermarkt portali 24 yoshli Jeksonning transfer narxini 45 million yevroga baholamoqda.













