Николас Жексон «Бавария»да қолмайдиган бўлди. Мюнхен гранди 2025/2026 йилги мавсум якунида сенегаллик ҳужумчини «Челси»дан сотиб олмаслиги кутилмоқда. Бу ҳақда Transfer News Live нашри The Times газетасига таяниб хабар бермоқда.
Жексон «Бавария»да етарлича ўйин амалиётига эга бўлмаяпти, шу сабабли унинг шартномасидаги мажбурий сотиб олиш банди фаоллаштирилиши даргумон.
Николас Жексон «Бавария» либосида жами 22 та расмий ўйинда майдонга тушиб, ўз ҳисобига 5 та гол ва битта голли узатмани ёздириб қўйди. Маълумот учун, нуфузли Transfermarkt портали 24 ёшли Жексоннинг трансфер нархини 45 миллион еврога баҳоламоқда.
