"Arsenal" bosh murabbiyi Mikel Arteta chempionlik poygasi haqida gapirdi. Hozirda "kanonirlar" turnir jadvalida peshqadamlik qilmoqda, ikkinchi o‘rindagi "Manchester Siti" esa ulardan to‘rt ochkoga ortda qolmoqda.
"Bir turnirdan ikkinchisiga kayfiyatni tez moslashtirish juda yaxshi. Ochkolar farqini oshirib olish imkoniyatimi? Biz aynan shuni xohlaymiz. Yaqin haftalarda qancha ko‘p g‘alaba qozonsak, maqsadimiz sari pozisiyamiz shunchalik mustahkam bo‘ladi", — dedi Arteta jurnalistlarga.
"Arsenal" chorshanba kuni safarda "Vulverxempton"ga qarshi maydonga tushadi. "Kanonirlar" aslida mart oyiga belgilangan ushbu o‘yinni oldinroq o‘tkazishmoqda, chunki bir oydan keyin jamoa Angliya Liga kubogi finalida ishtirok etadi.
