"Арсенал" бош мураббийи Микель Артета чемпионлик пойгаси ҳақида гапирди. Ҳозирда "канонирлар" турнир жадвалида пешқадамлик қилмоқда, иккинчи ўриндаги "Манчестер Сити" эса улардан тўрт очкога ортда қолмоқда.
"Бир турнирдан иккинчисига кайфиятни тез мослаштириш жуда яхши. Очколар фарқини ошириб олиш имкониятими? Биз айнан шуни хоҳлаймиз. Яқин ҳафталарда қанча кўп ғалаба қозонсак, мақсадимиз сари позициямиз шунчалик мустаҳкам бўлади", — деди Артета журналистларга.
"Арсенал" чоршанба куни сафарда "Вулверхэмптон"га қарши майдонга тушади. "Канонирлар" аслида март ойига белгиланган ушбу ўйинни олдинроқ ўтказишмоқда, чунки бир ойдан кейин жамоа Англия Лига кубоги финалида иштирок этади.
